أسعار العملات
أسعار الدولار بالبنوك
سعر الشراء سعر البيع البنك
17.86 17.96 بنك الإسكندرية
17.89 17.79 بنك مصر
17.88 17.78 البنك الأهلي المصري
17.96 17.86 بنك القاهرة
17.96 17.86 البنك التجاري الدولي CIB
17.95 17.85 البنك العربي الأفريقي
17.97 17.85 البنك المركزى المصرى
أسعار الذهب
متوسط أسعار الذهب بالعملة المصرية
السعر بالجنيه المصري الوحدة
600.00 عيار 21
514.00 عيار 18
686.00 عيار 24
4800.00 الجنيه الذهب
اسعار السلع
اسعار السلع الاساسية بالجنيه المصرى
السعر بالجنيه المصري السلعة
9.00 الارز
16.00 الزيت
10.00 السكر
8.00 المكرونة
7.00 الدقيق
3.50 الشاي 40 جم
80.00 المسلى الطبيعي
40.00 المسلى الصناعي
35.00 الفراخ البلدي
28.00 الفراخ البيضاء
45.00 ديك رومي
45.00 بط
30.00 سمك بلطي
50.00 سمك بوري
60.00 سمك مكرونة
150.00 جمبري
80.00 كابوريا
140.00 لحم بتلو
120.00 لحم كندوز
130.00 لحم ضاني

أقرأ لهؤلاء

«عايزينكو تبقو عوانس»


نجوى صالح:

دمعة على خد الزمن.. دمعة على خدى


أغنية من التراث.. تغنيها فرقة الموسيقى العربية.. من تلحين محمد عثمان..

دمعة عزيزة على خد الزمن.. تحمل حزناً نبيلاً متأملاً ما آلت إليه أحوال مصر.. ودمعة تقطر ألماً وحزناً وجرحاً غائراً فى الكرامة لكل مصرى عميق فى مصريته، متجذر من أرضها.. والزمن شاهد على كل مصرى متأمل فى جمالها ودلالها ودلعها.

يمشى الأحبة على نيلها من أسوان إلى الإسكندرية يبث الحبيب هيامه، وعشقه لبنت مصرية قوية فاهمة إنها الوتد، اللى حيتسند عليه حبهم، فى بساطتها وبراءتها سلاسة النيل وسمرته، فى واديها خضرة القلب وطزاجته.

حبيبان يتناجيان ساعة ما تسحب الشمس خيوطها الدهب والزمن عارف إنها مغربية وليل ينزل على مصر والعشاق، كله سكينة والأمان موجود على النيل فات بتاع الذرة المشوى ريحته ترد الروح، راحت لها نفسها السمرة وكلوا بالهنا.. وشوية وفات «حب العزيز» وبتاع الجميز وحمص الشام، لكن نفسهم راحت لريحة هفت عليهم سميط وجبنة وبيض وتبقى أكلة رخيصة وعيش وملح.

ونغمة من بعيد توصف حلاوة التين.. قالوا أهى نص تحلية.. وبعدها نختم بالعسلية.. يعنى نبوت الغفير بالبلدى.

وكام كلمة حب منه، ومنها.. ووعود وعهود حتتنفذ لأنه واد مصرى مجدع.. الحب هو الحب فى القاهرة، وفى كل قرية ونجع.

بنات وأولاد يلاقوا بعض ويكون الشاهد نيل مصر، يتقاسموا فى الحب والحلوة والمرة، لكن أكيد بعده جواز وأولاد.

والزمن شاهد على سياسة تضرب وتقلب. لكن الحب والحياة فى مصر، ماشية على العشق والمعشقة- على رأى صلاح چاهين- لأن وجدان بلدنا مايل للفن والفنانين وألف ليلة، ومايل للدين وسماع التواشيح، يفقر شوية، مع رقص بلدى.. وعلى واحدة ونص، وآهات متقسمة ما بين بمبة كشر وتحية، وعلى طول الزمان سلطنة فى السمع لما جينا لمنيرة المهدية، وأم كلثوم، وأسمهان، وعبدالوهاب، وفريد، وسلسال مالوش نهاية من الإبداع.

الواد والبنت فى حبهم غرقانين، يخططوا لمستقبل.. وهم ماشيين تقع عينهم على بناء له تاريخ واثار توشوش لهم.. أنا أصل الحضارة.. وانتم منى.. عينهم اتعودت الجمال. يقولها حاخدك المراجيح، النهاردة المولد، لجل يوريها نشان بالبندقية. دا أنا النشانجى الشجيع غُنا ونغم وشعر وربابة، وكهارب وألوان يوريها الأراجوز، والفانوس السحرى- يحوى تشكيلات متغيرة تباعاً من الزجاج الملون- فاكرينه..؟ واللا راح منكم التراث جنب الفلوس والمصلحة..؟

ده احنا فى الحسين، تعالى يا سمرة، أجيبلك أحلى جلابية فرعونى وشعرك يلمس كتافك وأرشه بالمسك والعنبر ويهفهف عليه مع الهوى. ونختم بأكلة حمام محشى.. ونحلى ببليلة.. واللا عايزة فطير بلدى بالسكر الناعم.

بعدها نروح سينما نشوف فاطمة رشدى.. واللا مسرح يوسف وهبى واللا فؤاد المهندس.. فى مصر يا حبيبتى.. ممكن تعيطى من قلبك وتضحكى برضه من قلبك.

طيب تعالى نروح الباليه فى الأوبرا.. واللا عايزة مزيكا.. ودى حنلاقيها فى الجناين بتعزفلك. وفاتت الأيام، وجت الأيام.. وأنور السادات طلعلنا دول من الجحور.. من نوع بدقن وزبيبة.. وبدلة شيك أوى.. ولون كرافته ومنديل مش ماشى خالص مع البدلة.. ونوع آخر بذقن عشوائية وتين شوكى على الجبين وجلابية.

المهم دلوقت مش دول.. المهم النيل الباقى دوما ولن يزول.. مين فى المستقبل يجيب الأحبة.. من يعطونه التألق.. وعلى شاطئيه كانت حكاية حب وغرام.. وجواز عمّر بيوت مصر.. دول عايزينكو تبقو عوانس! ما ينفعش نيل بدون أحباء، ولا أحباء بدون نيل!
بوابة جــريدة المال 2017 جميع الحقوق محفوظة